الخميس، 6 ديسمبر 2012

بالنسبة للي بيحصل للبنات في التحرير ده تعدي من عيال اهاليهم مربتهمش علي الاخلاق دول جهلة ميعرفوش يعني ايه احترام حقوق الغير

ياجماعة لو سمحتم مرسي أو حمدين أو البرادعي أو احمد شفيق أو عمرو موسي كلهم بني ادمين تحت راية واحدة اسمها مصر افهموا حاجة (( لولا اختلاف الأذواق .. لبارت السلع )) يعني اختلافنا كمصريين في الرأي لا يفسد للود قضية كلنا عايزين مصلحة مصر بس كل واحد بيشوفها بشكل وعايزها بشكل وياجماعة هتفضلوا تتخانقوا وتموتوا في بعضيكم وتشتموا بعض علي الايه لابد من الموضوعية في النقاش للتوصل لحل يرضي جميع الاطراف واعلموا دائما ان في الاتحاد قوة وانا لا ارضي عن الوضع الحالي ولكن يقول انه لضروري في هذا الوقت ان يأخذ بشكل او باخر جميع الصلاحيات والحجة هي ان ينظف جميع اجهزة ومنشئات الدولة وان يحمي حق الثوار وانا بقول للرئيس ادي العيش لخبازة مش كل شئ لازم يكونلك سلطة فيها اولا هيقل تركيزك وهتتشتت زهنيا وهتبقي طول الوقت مضغوط داخليا وخارجيا وصاحب بالين كداب وصاحب 3 منافق يعني بمعني الاصح حاول تعمل لجان رقابة وريح انت وبلاش تاخد الدنيا قفش
واما بالنسبة للي بيحصل للبنات في التحرير ده تعدي من عيال اهاليهم مربتهمش علي الاخلاق دول جهلة ميعرفوش يعني ايه احترام حقوق الغير ومش عارفين دين الا اذا كبيرهم يكونوا حافظين سورة الفاتحة للمناسبات المياتم والخطبة ومن المفروض اننا لازم تعاملهم بقسوة ليعرفوا ان هذه تعدي لحقوق الغير وانا ياجماعة روحت وشوفت عينة من العيال دي في شارع محمد محمود ولما كانوا بيضربوا الفتيل علي مدرسة الليسيه كلهم ميكملوش 14 سنة مش شباب عاقلين وكلهم رايحين يخربوا اكنها فسحة بالنسبة ليهم مش اكتر انهم يغامروا ويحرقوا ويضربوا طوب وحجارة علي بني ادمين زيينا من ولادنا بردو في عساكر الامن المركزي في الشرطة حرام بجد

ليست هناك تعليقات:

إرسال تعليق