الجمعة، 26 أكتوبر 2012

قصيدة إسكندرية لـ أحمد فؤاد نجم

يا اسكندريه
بحرك عجايب
ياريت ينوبنى م الحب جانب
تحدفنى موجه
و البحر هوجه
والصيد مطايب
أغسل هدومى
وانشر همومى
على شمسه طالعه
و انا فيها دايب
***********
كأنى فلاح من جيش عرابى
مات ع الطوابى
وراح فى بحرك
كأنى نسمه فوق الروابى
م البحر جايه
تغرق فى سحرك
كأنى كلمه من عقل بيرم
كأنى غنوه من قلب سيد
كأنى جوا المظاهرة طالب
هتف بإسمك

ليست هناك تعليقات:

إرسال تعليق